Telefoni – Haustveit.net

Cisco SPA8000

mar 052011

SPA 8000

Cisco SPA8000 er ein analog til IP gateway som me kan bruka for å kopla analoge telefonar til eit IP basert telefonsystem.

Eg bruker ein SPA 8000 for å kopla ein del av telefonane mine mot eit asterisk basert IP-telefonsystem som eg har installert.

Eit litt meire interessant bilete, av baksida med alle tilkoplingane:

Den har 8 analoge inngangar der me kan kopla til telefonar, det er mogleg å kobla til telefonane ved hjelp av RJ11 kontaktar eller alternativt med ein 50 pin centronix kontakt. Den blir kopla til IP nettverket med ein vanleg 8P8C kontakt og har ein aux tilkopling for administrasjon. All administrasjon blir gjennomført med eit web basert konfigurasjonsverktøy, og der får me tilgang til å tilpassa det aller meste ein kan ha behov for.

Den har ein forholdsvis støyande vifta så det er ikkje ideelt å plassera den i rom der folk oppheld seg.

Eg kjem tilbake med meir om korleis eg har installert mitt system seinare.

Telefon SEL Assistent

Telefonapparat, Telefoni Ingen svar »

mar 042011

SEL Assistent

På denne telefonen var det litt vanskeleg å finna ut noko eksakt om produsent og modell. Den har tydlegvis ikkje blitt godt behandla og all utvendig merking av telefonen er slitt vekk. Innvedig er det eit komplett koblingsskjema over telefonen, der all tekst er på tysk. Skjemaet er merkt med: Tischfernsprecher assistent mit Taste 3316-26-2 Ausg 2.

Etter ein del søking på Google så har eg kome fram til at produsenten sannsynlegvis er Standard Elektrik Lorenz(SEL), ein tysk telefon, radio og tv produsent.

Eg har testa telefonen og alt fungerer som det skal, den avgir ein kraftig ringelyd og overfører tale klart og tydeleg. Pulsoppringinga fungerer fint mot dei sentralane som støtter dette. Dersom det er ønskeleg så er det ingen problem å ta telefonen i bruk.

Her er eit bilete av koblingsskjemaet som er limt fast på innsida av dekselet under telefonen:

Koblingsskjema

Slik ser telefonen ut innvendig, det er ingen teikn på at den dårlege behandlinga som telefonen har fått utvendig har påverka dei innvendige komponentane.

Telefonen innvendig

Telefon 11AB22

Telefonapparat, Telefoni 2 svar »

feb 272011

11AB22 er ein gamal telefon frå Elektrisk Bureau som kom ut i 1967. Det er den første telefonen som brukte transistorar i elektronikken. Utvendig er designet er det same som den populære Ericsson Dialog, men innvendig er det ein meir moderne elektronisk krets. Den har ein elektronisk ringer og bruker ein dynamisk mikrofon.

Elektrisk bureau 11AB22

Eg har eit eksemplar som heiter: 11AB22-63, den er merka med Televerket.

Eg har hatt diverse problem med telefonen, det er nokon som har klypt av sjølve telefon røyret så eg har måtta erstatta det med eit eg hadde liggande frå ein anna telefon. Eg har og hatt vansklegeheter med å skaffa koplingsskjema til telefonen, noko eg har hatt behov for i forbindelse med at eg har måtta gjort litt feilsøking på den.

Koblingsskjema:

Eg har dessverre ikkje noko komplett koplingsskjema over telefonen, det einaste eg har er eit skjema som viser korleis eksterne tilkoplingar skal utførast.

11ab22 Koplingsskjema